Die ligging van die fasiliteit is uitstekend en gerieflik op die hoofroete. Alhoewel die fasiliteit al ouer is, was dit tog gerieflik. WiFi in die kamers sal ‘n aanwins wees, alternatiewelik, as dit beskikbaar was, was die toegangskode nie gelys nie.

Die plek is onnet en onafgewerk. Bedlig skakelaars onprofessioneel aangebring. Een van die bedlampies se skakelaar was foutief en die bedlampie het nie gewerk nie. Die indruk wat by my gelaat is, is bloot om ‘n slaapplek te verskaf maar met geen poging om te beïndruk nie.

Ontvangs baie proffesioneel. Kamer was lekker warm met lugversorging. Het baie lekker geslaap.

Na ‘n lang, uitputtende reis was hierdie plekkie langs die pad net die antwoord. Silwerskoon, keurig versorg en knus – ‘n fees. Skoon lug op die berg en netjiese tuine maak dit ‘n opheffende verposing.

Plekkie het aan als gedink. Selfs losstaande verwarmer. Heerlik ingerig. Ongelooflike ervaring. Selfs laat aand inboek was ‘n plesier! Nagwag gaaf en behulpsaam. Baie veilig. Trailer nie eens gesluit nie.

Veblyf was gemaklik en gepas vir die geleentheid. Lekker in die middel stop vir as mens af kus toe ry.

Sien sterre.

Bathroom not clean. No milk.

Die gastehuis het my baie verbaas. Ek was met die warmste glimlagte ontvang op aankoms. Die kamer was baie netjies en skoon en het verskriklik lekker/vars geruik! Ek kon kies en keer tussen ‘n hele verskeidenheid restaurante! Ek sal beslis weer daar gaan bly en dit vir seker aanraai vir vriende en familie!

Baie tegemoetkomend gewees op ons inklok datum wat op kort kennisgewing verander het. Vriendelike diens. Skoon geriewe en net reg vir ‘n halfpad aand stop.

Baie netjiese en praktiese kamers.

Ons het net oornag op pad Durban toe, die eenheid was netjies en skoon, die personeel behulpsaam, dit was ‘n goeie ervaring na ‘n dag se bestuur.

Uitstekende diens, personeel vriendelik.

Ons het gesukkel om ontvangs op te spoor in die donker en reën omdat daar nie behoorlike aanwysingsborde was wat ons kon sien nie. By ontvangs is ons vriendelik verwelkom deur ‘n jong man wat nog nuut was en nie geweet het hoe om die betaling te hanteer nie. Hy moes iemand bel en het ook nie geweet jy verwys na die persoon wat voor jou staan as ‘n gas nie. Ek meen dit kan aan ‘n gebrek aan opleiding toegeskryf word. Die kamers is netjies en voldoende vir basiese behoeftes. Die matrasse is egter deurgelê en behoort vervang te word.

Het dit baie geniet. Het die reis na Margate aangenaam gemaak. Die ligging vanaf Gauteng maak dit lekker as jy eers die middag jou reis kan onderneem.

Skoon en netjiese verblyf.

Die personeel was vriendelik en hulpvaardig. Ons kamer was 2 ure vooraf reeds beskikbaar en dit was netjies en skoon. Die verskeie restaurante in die onmiddellike omgewing was baie gerieflik vir etes en ontspanning.

Dit was baie skoon en netjies, ons bed was stukkend aan die een kant waar my man geslaap het en ons bure se hond het van vroegaand af getjank en van voor 4 die oggend af. Dit was bitter onaangenaam, veral omdat ons wou rus inkry vir ons langpad wat voorlê.

Goeie waarde vir geld.

Geriewe is regtig oud. Alles is skoon, maar linne moet werklikwaar vervang word.

Onaangenaam, yskas in die kamer was af, kon niks koud hou nie, die matrasse op die beddens is baie pap (lê op die basis), die badkamer se deurhandvatsel in die binnekant was stukkend, die ligte was vuil. Kon nie my voertuig en waentjie veilig voor die kamerdeur parkeer nie, ander waentjies en voertuie was voor my ingang geparkeer.

Baie dankie. Ruim eenheid. Goeie ligging.

Dankie vir ‘n lekker kuiertjie. Dankie dat julle ons toegelaat het om die berg se stof af te was na afloop van die Bergwedloop voor ons terugreis. Dit na ons verwagte uitkloktyd. Ons kom vir seker terug volgende jaar.

Die rustigheid en so ook ‘n paar goed te doen vir die kinders, die diere en speel-area. Eet plekke is loop afstand.

Die diens was goed en ontvangs het ons baie mooi gehelp al was ons laat vir inboek. Die kamers was ook mooi skoon. Dis loopafstand van ‘n verskeidenheid eetplekke wat dit lekker maak.

Perfekte verblyfgeriewe vir reisigers. Baie goed geleë en maklik bereikbaar. Netjies en goed toegerus. Vriendelike en bekwame personeel.

Die kamer was skoon en netjies en alles het gewerk. Die kamer wat aan ons toegeken is lyk glad nie soos foto op website nie – ek dink ons het die een van afskeepkamers, oorkant die pad van kompleks, gekry. Die kroeg oorkant die pad was bietjie lawaaierig, maar het darem later bedaar. Restaurante te kus en keur is loopafstand en dis ideaal vir oornagplek op pad na Natal.

I moved our stay a day earlier and because there are 2 ladies doing the bookings, the lady on duty when we arrived was not aware of the change. We were upgraded to a 3 bedroom house located in the Caravan Park. We also received part of our money back for the oversight. The house was clean, well looked after and very easy to find. It had everything you could need for an overnight trip. The ladies at the reception were very friendly and welcoming. I would most definitely recommend MountainView Inn to anyone looking for a safe, convenient stopover.

An overall nice stay. Awesome staff.

Baie beïndruk met die ligging, aangesien ek my voertuig kon parkeer en stap na die winkels. Baie netjies. Dankie dat julle so gou vir my met slaapplek kon help. Sal beslis weer van julle gebruik maak.

Ek het baie lekker gebly.

Vreeslik baie geniet! Baie gerieflik, netjies en skoon. Dit was heerlik om te kon kies tussen al die groot verskeidenheid restuarante op die kompleks. Sal vir seker weer van Mountainview Inn gebruik maak.

Ek sal Mountainview Inn definitief aanbeveel! Dit was baie netjies, skoon en gerieflik. Op aankoms was ek verwelkom deur 2 baie vriendelike ontvangsdames en ek het sommer dadelik tuis gevoel. Die kamer was baie lekker ingerig met ‘n TV en koffie en tee-fasiliteite. Die kamer is ook baie ruim! Ek sal verseker weer daar bly.

Die kamer was skoon en netjies met alles wat ek nodig gehad het. Daar was onderdakparkeerplek reg voor my kamer. Daar is ook `n hele paar restaurante, vulstasie en nog meer op die kompleks. Die ideale pitstop met als wat jy nodig kan kry. Sal beslis weer van Mountainview Inn gebruik maak!

Ons het Vrydagaand by Mountain View aangekom, ek was baie teleurgesteld in die kamer wat aan ons gegee is. Die matte is die tipe matte wat jy kry in ‘n ou kantoorblok kry en die matte was verskriklik vuil, ek het gegril om met my kaal voete op die mat te trap. Behalwe vir dit, is daar ‘n gat in die dak in die badkamer wat sommer met toiletpapier toegemaak is. Die lugreëling is baie outyds en vuil, hierdie lugreëling maak ‘n verskriklike lawaai en dit vat 5 min om te begin werk. Dit is die eerste keer in my lewe wat ek by ‘n plek bly wat so swak en vuil is. Die ander deel is natuurlik dat voor dat jy toegang kry tot die kamer moet alle gelde betaal wees, ek kan nou verstaan hoekom, want as ek toegang gekry het tot die kamer voor ek betaal het, het ek vir seker in my kar geklim en ‘n ander blyplek gaan soek. Die foto’s wat op die website is, is glad nie naastenby dieselfde as wat ons gesien het in die kamer nie. Moet ook nie dink dit was goedkoop nie, dit was R800 vir die twee van ons om daar te bly vir die aand, daar is baie ander plekke in die omtrek waar ‘n mens kan bly vir dieselfde prys of goedkoper.

Ek het baie laat aangekom by die plekkie, daar was iemand om my te help. Die plek is geleë naby ‘n hoofweg en by ‘n Garage, daar was geen veiligheidshek nie. Ek was baie onrustig. Die plek was wel skoon, maar het geruik na rook. Ek slaap in Bloemfontein in ‘n baie mooier, skoner plek plus ontbyt, vir R650. So R590 is nie vir my dit werd vir daai plek nie.

Ons het tent opgeslaan en Mountain View in die Bergview-kompleks as oornagpunt gebruik op pad Wes-Kaap toe vanaf Durban. Dit was in die week en as senior burger het ek nog 20% afslag ook gekry, waarvoor ek baie dankbaar was. Die fasiliteite is baie netjies, skoon en alles wat ons benodig het, was daar: kragpunt by die staanplek, opwasplek vir die skottelgoed, warm water vir opwas en stort, wasbakke en spieëls, ens. Die kampeerplek is omhein en die hek word gesluit snags en ‘n sekuriteitswag is op diens. Ons het sleutels gekry vir die ablusieblok en ook die hek, dus kon ons in- en uitbeweeg indien nodig. Die kampeerplek is digby ‘n vulstasie en daar is ook ander winkeltjies en plekke by die kompleks. Dit was nie doodstil gedurende die nag nie, omdat die verkeer redelik naby op die verbypad verby beweeg en die swaar voertuie ‘n redelike geraas kan maak. Behalwe dit, was daar geen ander steurings nie. Indien ons weer daar verby toer, is dit ‘n oornagpunt om beslis in gedagte te hou. Ons het aan die besprekingskantoor genoem dat ons nêrens GPS-koördinate van Mountain View kon kry nie, wat veroorsaak het dat ons, as vreemdelinge wat die eerste keer daar gekom het, nogal gesukkel het om die plek te kry en eers die kantoor moes bel en ook aanwysings in die dorp vra. Dit sal ‘n verdere pluspunt wees as die koördinate beskikbaar is.

Bied baie en is gerieflik.

Uitstekende diens by ontvangs, kamers goed gemeubileer.